નજરે

પલકવારમાં કોઇ અંજાય નજરે,
ભરોસો ઠગારો નહીં થાય નજરે.

અધીરાઈ જોવા મળે છે પળેપળ,
ક્ષણેક્ષણ નજારો દેખાય નજરે.

મળે લાગણીઓ વિસ્તરતી વિશ્ર્વાસે,
વિતી એક ક્ષણ એમ સમજાય નજરે.

તરસની મઝા છે કિનારો મળ્યાને,
મળેલી સ્મૃતિઓ કેમ વિસરાય નજરે.

વિચલતા સંદેશા હશે કોઇ મનમાં,
હવે તો અજાણે પ્રેમ ડોકાય નજરે

અનુભવ મળે તો બખીયા ભરીને,
ગઝલની શરુઆત ખેચાય નજરે.

પ્રયાસે પ્રયાસે હકીકત મળે છે,
શબ્દોની શરારત બહેકાય નજરે.

-કાંતિ વાછાણી