સબંધોનુ નૂર

આંખોમાં નિતરતું તારા સબંધોનું નૂર
કૈ ઝંઝામાં ઝળકતું તારા સબંધોનું નૂર.

દરિયાવ દિલમાં હેતનાં હિલોડા લઈને
મઝધારમાં મહેક્તુ તારા સબંધોનુ નૂર.

અંધારાની આડમાં પ્રકાશ પૂંજ થઈને
જ્યોતમાં ઝળકતું તારા સબંધોનુ નૂર.

કયાંક સ્વપ્ન રચે સઘળા વિચારો ભુલીને
પરસ્પરથી હરખતું તારા સબંધોનુ નૂર.

અંતરની સુવાસે સરળ અને સૌમ્ય 'કાન'
આજ મૈત્રીમાં મહેક્તુ તારા સબંધોનુ નૂર.

કાંતિ વાછાણી