26 April 2012

હવે શક્યતા નથી


રસ્તે ફરી મળાય, હવે શક્યતા નથી,
ચિન્હો જુદા રખાય, હવે શક્યતા નથી.

તણખો ભલે મશાલ બની આગ ઓકશે.
તે ખ્યાલને મપાય, હવે શક્યતા નથી,

જોયા પછી સુઝે અક્ષર ધારદાર કૈ,
ટહુકા લખો બધાય, હવે શક્યતા નથી.

આભાસ હોય છે મઘમઘતા કિસ્સા તણો,
આ ચાલ કૈ ફંટાય, હવે શક્યતા નથી.

ભીંજાય એમ શબ્દ અનોખા લખી ગયા,
લ્યો 'કાન' એ બનાય, હવે શક્યતા નથી.

કાંતિ વાછાણી
૧૪-૦૧-૨૦૧૨ ગાગાલ ગાલગાલ લગાગાલ ગાલગા

1 comment:

  1. sunder shabdo ma parovayeli laagnio..!! :)

    ReplyDelete