નવાનોખા સૂરથી.

કોઈ નવાનોખા સૂરથી.
ઝીણી નજરથી જોઉં દૂરને નજીકથી ને નજદીકને જોઉં છું દૂરથી.

તારાને જોઉં છું જાણે કોઈ ફૂલ હોય

ને ફૂલને જોઉં છું જાણે તારો,
મારો ધબકરો તો યાદ નથી આવતો

પણ તારા નામનો બજે છે ઍકતારો.

રેતીના રણને મઘમઘ કરું છું મોગરાની મ્હેકના કપૂરથી.
કોઈ નવાનોખા સૂરથી.

ચાંદ થઈ દરિયાને ઊછળતો જોઉં

અને વૃક્ષોનાં જણી લઉં મૂળ,
નિકટ ને દૂરની લીલામાં લખાયેલાં

કયાંક છે વૃંદાવન - ગોકુળ.

કૃષ્ણના હોઠ પર વાંસળી ભલે પણ ઍ વાગે છે મારા નેપુરથી.
કોઈ નવાનોખા સૂરથી.