પુરૂષાર્થ

ટહુકા મોસમના.

2011-08-01T18:04:00.000+05:30

લખી દીધા અમારે નામ ટહુકા મોસમના,
અને કેવા થયા બદનામ ટહુકા મોસમના.

અનેરી મોજ માણી છે સવારે ફૂલોએ,
પતંગીયા લખે છે આમ ટહુકા મોસમના.

દિશાઓ નૂર બદલે તે પહેલા શબ્દો ઝૂરે,
પછી ઝાકળ બને છે જામ ટહુકા મોસમના.

ઘણાયે કારણો જોવા મળે છે જેના ખોળે,
અનિલ આંખે મળે છે આમ ટહુકા મોસમના.

ધરાને ક્યાં મળે શ્યામલ છવાયેલી આભા,
ગમે છે તોય એનું નામ ટહુકા મોસમના.

- કાંતિ વાછાણી

નજરથી

2011-07-15T16:09:00.001+05:30

[વસંતતિલકા]
જોયા હશે નજરથી છલકાય લેવા,
ને આંખથી સહજમાં મલકાય એવા;
હા એજ તો સમયના સ્મરણે ચડેલા,
કેવા પ્રિયે સરળ તોય જુદા પડેલા.

થાશે મનોમન તલાશ ભલે અમારી,
ત્યાં લાગણી અવ મુખે ઉચ્ચરે વાણી;
ધીમા કસૂંબલ નશા ન ઉરે ચડેલા,
કેવા પ્રિયે અમ પંખી સપને જડેલા.

આઠે પહોર અજવાશ ભરી અજાણે,
તેવે સમે નયન શોભિત થૈ પિછાણે;
તે યાદના કરજમાં ન સંધાય મારે,
એ આખરે ગગનમાંય ખુલા પડેલા.

નોખું થશે નભ નિખાર રંગાઇ જાણે,
એવા સમે નવ ધરે મુજ વેણ ભારે.

-કાંતિ વાછાણી
૩-૦૭-૨૦૧૧

ગીત

2011-06-23T09:16:00.000+05:30

મઘમઘતી મંજરીને મહેકાવતી આ ડાળ ઝૂલે સજની,
ક્યાક ટહુકા મધુરા લહેકાવતી આ કોયલ બોલે સજની.

અદકેરુ આયખુ ને વાત નિરાળી,
આ પાનખરના ઉજરડે રાત વિતાવુ,
આ અજવાળાને કાયામાં બાંધી,
એવી મોઘમ વસંતે જાત સતાવું.

લ્યો પળપળને છલકાવતી આ સુવાસ ખૂલે સજની,
મઘમઘતી મંજરીને મહેકાવતી આ ડાળ ઝૂલે સજની,

કોરુ મન બુંદ બુંદથી જાય પલળી,
એવા અનુભવે સ્પર્શી જાત વિતાવું.
આંખોમાં બાંધુ માયાને ઉજળી,
સતત વહેતા પ્રવાહે જાત વિતાવું.

આ ભીંની યાદોને દોહરવતી આ સુવાસ ખૂલે સજની,
મઘમઘતી મંજરીને મહેકાવતી આ ડાળ ઝૂલે સજની,

-કાંતિ વાછાણી
૨૧-૦૬-૨૦૧૧

વ્યથા

2011-05-30T18:48:00.001+05:30

ગામને પાદર ગોકીરો થયો,
કોઈ બોલ્યુ લ્યો ફરી
પાછો એક તારો ખર્યો,
વિધિના વાંકે તું દંડાયો,
ટોડલે મુકેલ દિવો બુજાયો,
ઉજળી આંખે અંધાપો છલકાયો,
મારે આજ વિસામો ભૂસાયો...
ગામને પાદર ગોકીરો થયો....

કાંતિ વાછાણી

એ ગરમાળો

2011-05-22T10:10:00.000+05:30

આંખોમાં આવી ઠંડક આપે એ ગરમાળો,
ઉપવનને આંજી ધખતો રાખે એ ગરમાળો.

તડકો જાણે થીજી ગ્યો એની જાતે દોસ્તો,
દિલને પ્રજાળી પડઘા પાડે એ ગરમાળો.

ભીનાશે યાદોમાં ટહુકાઓ છલકાશે કૈ,
લ્યો અણધાર્યા સ્મરણ લાવે એ ગરમાળો

સૂના રસ્તે વેરાયો કોનો સ્પર્શ ઉજળો,
આજે મોસમ ને લલકારે એ ગરમાળો.

જીવે છે આ ક્ષણ માણી લેવા ને ખુશ્બૂ
તોયે મૃગજળના મોજા લાવે એ ગરમાળો.

-કાંતિ વાછાણી
તા.૨૨-૦૫-૨૦૧૧

ભાવ છું

2011-05-19T11:07:00.001+05:30

રોજ ભુલી જાવ છું,
જાણવા ને દાવ છું.

આખરે કોઇ માટે,
શ્ર્વાસનો સુજાવ છું.

આ ક્ષણો ખોટી જશે,
એ રુઝેલો ઘાવ છું.

કૈ અજાણે હું ભલે,
વાત માં બંધાવ છું.

થાય છે કૈ પ્રશ્ર્ન આ,
મૌનથી રુઝાવ છું.

છે ગઝલ કે કાવ્ય એ,
'કાન' તારો ભાવ છું.

-કાંતિ વાછાણી

હાઈકુ

2011-05-19T11:05:00.000+05:30

વિખાય ગયું
સપનુ ઝાકળનું
સુર્યને જોતા.

ફુલો ને ચૂમે
ઝાકળ અજાણતા
ડાઘા મુકીને.

-કાંતિ વાછાણી

હરિ જોવા ને રે

2011-05-19T11:02:00.002+05:30

હરિ જોવા ને રે...
મારા મન મંદિરમાં આનંદ ઉભરાય છે..

ભીતર ને ભીંજવતુ ક્યાંક ભજન ગવાય છે,
સવાર ને સાંજે આશાઓની હેલી મંડાય છે.

હરિ જોવાને રે....
મારા અંતરમાં ઝીણેરો સાદ સંભળાય છે...

છુટી મારી ઈચ્છાઓની વણજાર બંધાય છે,
કેમ કરી મારે સથવારો હરિનો સંધાય છે.

હરિ જોવાને રે....
મારી આંખોમાં અગમનાં એંધાણ વરતાય છે...

-કાંતિ વાછાણી

લાગણી

2011-05-03T16:05:00.000+05:30

ઘેરી વળી આ વિસમતા શેરી માં,
કોઇના આગમનની રાહ જોતા
આ ડુસકાઓ અજાણે મારું શૈશવ લુંટતા,
ક્યા ખબર હતી સિમાડા ભુલ્યા પછી.
કોણ જાણે આ કાંઘ લેવા માટે
એને પણ રાત રોકાવુ પડે,
આથમતા અજવાસમાં લાગણી
આમ જ વેરાઈ ગઈ ખબર પણ ના રહી.....

-કાંતિ વાછાણી

અછાંદાસ

2011-05-03T15:52:00.000+05:30

બા ગઈ વહેલી લોકલથી
એ જાણીને બાપા પણ ગયા,
અચાનક આંખોથી સપનુ સરી ગયું,
ડેલી ઍ ટહુકા થંભી ગયા,
નથી ટપાલીની આવ-જા કે
બારણે આવી ને વિસામો વિખરાઈ ગયો..
બા ગઈ વહેલી લોકલથી .......

-કાંતિ વાછાણી

કદર દેખાય છે

2011-04-08T16:18:00.001+05:30

આ કલમથી એ કસર દેખાય છે,
એજ શબ્દોમાં જખમ દેખાય છે.

ઓસરી ગ્યા નૂર જાણે કેટલાં,
લાગણીની ક્યાં અસર દેખાય છે.

લ્યો અનોખો ટેરવાને ભાસ છે,
આખરે તેમાં જખમ દેખાય છે.

આજ ઓછપ કેમ લાગે વાતમાં
વેદનામાં ક્યાં ફરક દેખાય છે.

માણવા જેવી મળે તો એ ગઝલ
દાદ આપે તો કદર દેખાય છે.

-કાંતિ વાછાણી 16-1-2011

સાંચા જેવુ ભીતર જોઈએ

2011-04-08T16:16:00.000+05:30

સાવ ખાલી એવુ ભીતર જોઈએ,
મૌન બોલે એવુ ભીતર જોઈએ,

કોણ આપે ખાતરી એ વાતને,
લાગણી થૈ એવુ ભીતર જોઈએ.

આ ઉધામા પણ હવે ના થાય તો,
જડભરત ના જેવુ ભીતર જોઈએ.

એક ક્ષણના અસ્તમાં આ ભૂલાય છે,
રાતભર હાર્યા એવુ ભીતર જોઈએ.

કમનસીબી કેમ રાખી જીવતરમાં,
લાગણી સાંચા જેવુ ભીતર જોઈએ.

-કાંતિ વાછાણી

સપના ઓથે જાગશું રે

2011-03-01T11:10:00.000+05:30

અંધારી રાતના સપના ઓથે જાગશું રે વાલમ,
સગપણના સંતાપને ક્યા મોઢે માગશું રે વાલમ.

મન મુકી ને માણે એવી
વસંત બની છે પુર બહારે,
આજ તો જાણે અજાણે કોઈ
મોસમ ખીલી છે તારે સહારે.

અજાણ્યા મારગે લહેરોને સાથ જાણશું રે વાલમ.
અંધારી રાતના સપના ઓથે જાગશું રે વાલમ,

મનઝરુખે મોકળાશ લઈને
અંગઅંગમાં સંતાપ જાગે,
આભના ચંદરવે આવીને
અઢળક વાતો વહેતી માગે,

પડછાયા નિતરે એવી જાત જાણશું રે વાલમ.
અંધારી રાતના સપના ઓથે જાગશું રે વાલમ,

-કાંતિ વાછાણી
૨૭-૦૨-૨૦૧૧

સાંજના સૂર

2011-03-01T11:07:00.001+05:30

સમી સાંજના સૂર રેલાવો,
હરિ આજ મારા અંતરપટના અંધારા મેલાવો.

આથમતા અજવાળે કોઈ તરણુ જાણી,
માન ભાન ભુલી ને તારુ શરણુ તાણી,

ભલે અક્ષરના મારગ કેમ ન આકરા ઠેરાવો.
સમી સાંજના સૂર રેલાવો,

વધઘટના હિસાબ લેજો મારા ચોપાડે ખાલી,
જીવનબાગનાં તમે થાજો અજોડ વનમાલી,

હરિ આમ અધકચરી ઓળખ બની ના સતાવો.
સમી સાંજના સૂર રેલાવો.

-કાંતિ વાછાણી
૨૭-૦૨-૨૦૧૧

વાત કરશું.

2011-02-07T17:06:00.000+05:30

અમે આભ રંગાયએ વાત કરશું,
ખુદા નાખુદા થાય એ જાત કરશું.

અમારી ઈબાદત હશે તે ક્ષણોમાં,
પછી ના મળે તો મુલાકાત કરશુ.

છડે ચોક ટહુકા મળે વાસંતી ના,
અકાળે છવાશે પછી ભાત કરશુ.

અમે ક્યાં તમારી ઉદાસી તપાસી,
અકારણ ગઝલ સ્ફૂરતા વાત કરશું.

-કાંતિ વાછાણી

યાદો મારે હસ્તક દ્યો

2011-02-07T16:51:00.001+05:30

દિલના દ્વારો મારે હસ્તક દ્યો,
એવી વસંત મારે હસ્તક દ્યો.

પાને પાને ચિતરાવ્યા ફૂલો,
એની સુગંધ મારે હસ્તક દ્યો.

વન ઉપવનમાં કુંપળ બોલી કે,
આખો વગડો મારે હસ્તક દ્યો.

કુંજે કુંજે કોયલ ટહુકી લ્યો,
આ મોસમને મારે હસ્તક દ્યો.

ભીની સ્પર્શે વાચા જાગી ને,
આ કૈ યાદો મારે હસ્તક દ્યો.

-કાંતિ વાછાણી

ભાગ્યમાં

2011-01-24T19:10:00.003+05:30

ચોપાટ છે આ ભાગ્યમાં,
ક્યાં દાવ છે આ ભાગ્યમાં.

જંજાળ ખાલી આવશે,
એ કર્મ છે આ ભાગ્યમાં.

પાસા નથી ફેંક્યા ભલે,
વનવાસ છે આ ભાગ્યમાં.

આ હાથ માંગો દોસ્ત ને,
ક્યાં કર્ણ છે આ ભાગ્યમાં

ક્ષણ બે મળી ત્યાં શોધતા,
લ્યો કાન છે આ ભાગ્યમાં.

- કાંતિ વાછાણી

ले आया

2011-01-16T17:04:00.000+05:30

ऍसी प्यास तो बहुत थी मुझको
तेरी याद में ना कोई मिला,

ना तेरे आने का सुराग मुझको
आखिर ना रास्ता कोई मिला.

किसी ने देखा आज फिर खोने
पाने मे क्या फर्क था मुझको,

लो दूर सा कोई नजर लगा
धीरे से पांव ले आया मधुशाला.

- कांति वाछाणी

शेर-शायरी

2011-01-16T16:32:00.002+05:30

नशा आखिर किया था तेरे नाम,
तु ने छुआ और मै हुआ बदनाम.

- कांति वाछाणी

देखा आज

2011-01-16T16:28:00.000+05:30

भरी महेफिल में उनहे ना देखा आज,
तेरे आने का इन्तजार ना देखा आज.
लो साकी ने क्यु जाम पिलाया और,
हम सब कुछ लुटा के ना देखा आज.

- कांति वाछाणी

ये मधुशाला

2011-01-07T17:25:00.000+05:30

मस्ती से भरा था ये प्याला
आज पीया कल की ज्वाला,
दोस्त, आखीर क्या कर दाला
मुजे क्यो दिखाया ये मधुशाला ?

- कांति वाछाणी ५-१-२०११

હાઈકુ

2011-01-07T17:23:00.000+05:30

સૂરજ સાખે
મળ્યા, ચાંદની રાતે
વલોપાત જો.

ફરફર એ
આભ ને આંબે કેવી
ચકલી નાની

શીતળતા ને
સ્પર્શે લાગણી થઈ
ક્યાં શોધુ મને.

-કાંતિ વાછાણી

આ શબ્દમાં

2010-11-25T12:45:00.001+05:30

સાંજનો ક્યાં છે નશો આ શબ્દમાં,
કૈ વિચારો આવશે આ શબ્દમાં.

આ તરંગો વિસ્તરે જાણે નવા,
એ છલોછલ ક્યાં લખે આ શબ્દમાં.

આ કલમને ક્યાં મળી છે ચાહતો,
વેઠવા છે દર્દ કૈ આ શબ્દમાં.

લ્યો ઘવાયા મૌનથી તો શુ થયુ,
આખરે વાચા મળી આ શબ્દમાં.

છો લખાશે કોઈ ગઝલો આપણી,
ઓળખાશે કોઈ ને આ શબ્દમાં.

- કાંતિ વાછાણી

જાતના સાક્ષી

2010-11-20T15:45:00.000+05:30

જાતના સાક્ષી મને એવા મળે,
ભીતરે પડઘા પછી લેવા મળે.

હાથ જાણીતો હશે સહવાસ ને,
આખરે ઘા દુજતા પણ એવા મળે.

સફળતા જોને અકાળે આવતી,
એમ ભાસે છે ગમે તેવા મળે.

ચાંપતી જોને નજર આઘે રહે,
ધોમ ધખતા તાપમાં જેવા મળે.

છે ખુવારીમાં હયાતી આપણી,
ને પછી વાકેફ છે તેવા મળે.

-કાંતિ વાછાણી

અનુભવું છું

2010-11-20T15:41:00.002+05:30

રેતીની ભીનાશમાં
ખોવાયેલી ક્ષણોના સળ ઉકેલવા મથું છું..

ક્યાંક મૌનના ધબકારા
વચ્ચે ગુંગળામણ અનુભવુ છું,...

સમયની ઠોકરોથી
અંજાયને અંધારપટ
ઓળખવા સુરજનો પ્રકાશ આંખોમાં ભરું છું.....

એ ભરતા જ મારી આંખો નીચે
કુંડાળા કરી ગયેલી રંગોળીના
ફિક્કા રંગોમાં ઉદાસી લઈને
મારા ખભે થાક અનુભવું છું.....

-કાંતિ વાછાણી

દરશન દિયો રી

2010-11-20T15:36:00.000+05:30

કાના મોહે દરશન દિયો રી..
ભોર ભયે મોહે નીંદ ન આયો રી..

શ્યામ તોરી સૂરત દિયો રી..
ઠાડે જિયા મોહે તરસ ન આયો રી..

સૂઝત ના કછુ નંદસુત દિયો રી..
બ્રિજ કે છોરે કાહે મોહેની લાયો રી..

મોર મુકુટ શીરધર તું પિયો રી..
એસી બીન બજાવત ન આયો રી...

- કાંતિ વાછાણી

મળે એ કાચના

2010-11-15T10:25:00.002+05:30

આખરે આ દડમઝલમાં રાચના,
પારખા છે આપણે ક્યાં સાચના.

ખાતરી છે આ લખે એ લાગણી,
તોય સરવાળા મળે કૈ જાંચના.

કેમ જાણીને કહેવુ તરબતર,
હાથ કોરાકટ અજાણે લાંચના.

આ વિચારોના મળે ઝોકા ભલે,
વાતમાં આવે પછી એ યાચના.

કેટલાય એ અવસરો સાચા હશે,
ક્યાંક સંબોધન મળે એ કાચના.

-કાંતિ વાછાણી

કાંઈ મળતુ નથી

2010-11-14T10:47:00.001+05:30

સતત બદલાય છે, વિચારો કાંઈ બનતુ નથી.
ખ્યાલોમાં એવું છે, કે અમારે કાઈ ઘટતુ નથી.

આમ જશે લાલાશ કેટલીય તારી હથેલીમાં ને,
ફુલની ફોરમ જાય છે, અજાણે કાંઈ બનતુ નથી.

શમાણાઓ ઓશીકે મુકી ફરો છો આમ એટલે જ તો,
સવારે સંગીત રેલે છે પંખીઓ, કાઈ ઘટતું નથી.

સફર છે કોઈ મંઝીલ મળે એવી પાછી દિશાઓને,
આખરે સમય જાય છે, અવિરત કાંઈ મળતુ નથી.

- કાંતિ વાછાણી

કાયાના છળ

2010-10-15T18:59:00.001+05:30

છાના એ સપના સંકેલી હાલ્યને,
મેળામાં મન મુકી ને તું મ્હાલ્યને.

માયાનો નેણો લાગે નખરાળો મને,
આ સઘળુ મેલ્ય ઠેલી તું હાલ્યને.

નોખું મનડુ ને નોખા છે ખ્યાલ કૈ,
તારા અંતર ને વળગી તું હાલ્યને.

જોવી છે નિતનિત સાંજીઓ આંગણે,
ક્યાં રંગોની માયા છે તું મ્હાલ્યને.

મોસમ જાગી છે ખાલીપો જોઈને,
આ કાયાના છળ મુકી તું હાલ્યને.

-કાંતિ વાછાણી

માંગી જોને.

2010-09-22T10:44:00.000+05:30

ત્રેવડ તારી ટાંગી જોને,
વાચા પાછી માંગી જોને.

આવી ને તું બેક્ષણ તરસે,
એવું તો દિલ માંગી જોને.

સમજણ સીધી આપે મઝરે,
સંભારણુ કૈ માંગી જોને.

ક્ષણમાં એ સંદેશો લાવે,
પ્રાર્થી થઈ તુ માંગી જોને.

જીવનભર ખોટા સાચા નો,
સથવારો લૈ ભાગી જોને.

-કાંતિ વાછાણી

પડછાયો હટાવી જાય છે

2010-09-22T10:43:00.000+05:30

આ તમારી યાદના પદચિન્હ આવી જાય છે,
કે પછી મતલબ બનીને કાંઈ માંગી જાય છે.

આ હથેલીમાં સળવળી સ્નેહની માયા હવે,
તો પછી કરતબ કરીને કેમ ભાગી જાય છે.

આ કરામત પાનખરની ટહુકતી પીળાશમાં,
આખરે તો કોઇ મોસમને વટાવી જાય છે

આ મુલાયમ લાગણીને ક્યાં ભરોસે તોલવી,
તોય જોને ટેવ વશ આશા જગાવી જાય છે.

આ જ છે મોભો અમોને ઓરતા લૈ કાળનો,
આખરે તો કોઈ પડછાયો હટાવી જાય છે.

-કાંતિ વાછાણી

ગીત

2010-07-31T17:28:00.003+05:30

આજ ઉજળા આભમાં ચમક્યો તેજ તણો પ્રકાશ,
વાલે રચયો શરદ તણો રાસ,
સખી, સૈયર ને સાથ, થાશે ઉમંગને ઉલ્લાસ......વાલે.

વન વગડા ને સીમ લહેરાય,
પાક તણા કણશલા હરખાય,
વ્રજ વનિતાનાં પગરવનો, હશે આછેરો ઉજાસ.... વાલે.

નાર નવેલી શરમથી ભરેલી,
હૈયે થઈ છે જાણે આનંદ ઘેલી.
જાણે તન-મનમાં મહોરે છે, કોઈ ઝાઝરનો ઝકાસ....વાલે

-કાંતિ વાછાણી

અનમોલ આજે

2010-07-31T11:58:00.001+05:30

લ્યો આજ વાદળ બની ઘનઘોર ગાજે
એથી થયો નિજ ઉરે કલશોર આજે.

લ્યો આજ મોસમ હસી કલશોર ગાજે
જેથી વધ્યો નિજ ઉરે તલસાટ આજે.

લ્યો આજ ભીતર થયો તલસાટ ભારે
ને તોય કાયમ ઉમંગ ભરાય મારે.

લ્યો આજ કાગળ બની ઉમંગ અધુરો
ને તોય માણસ બને ટહુકા મધુરો.

લ્યો આમ એકલ પણે ટહુકા વધારે
એવો છલોછલ કરે પમરાટ ભારે.

લ્યો આમ નાહક થશે પમરાટ આજે
ને શ્યામ સુંદર થયા અનમોલ આજે.

-કાંતિ વાછાણી

વસંતતિલકા છંદ
અક્ષર : ૧૪
બંધારણ : ત, ભ , જ, જ, ગાગા.
સ્વરૂપ : ગાગાલ ગાલલ લગાલ લગાલ ગાગા
યતિ : ૧૮મા અક્ષરે
(આ વૃત અયતિત ગણાય છે.)

કાગળ છે.

2010-07-30T09:07:00.000+05:30

એ આંખોમાં મહેકતી ઝાકળ છે
આ શાહી, કલમ ને કાગળ છે.

અરમાન કોઈ ફુટી કોડી નથી,
એ વિચારોની દોડ આગળ છે.

કોઈ ખુણો એવો શોધુ આજ કે
હું મારાંપણાની વાત પોકળ છે.

જીતવામાં હાર માને કે નહિ,
પછી શૂન્યતા માં આગળ છે.

એ પરપોટા ફુટી જાય ક્ષણમાં,
તોય વહાલુ લાગે એ ઝાકળ છે.

આ અક્ષરો વહેરાતા રેતીમાંને
આ શાહી, કલમ ને કાગળ છે.

-કાંતિ વાછાણી
૩૦-૭-૧૦

મધુરા અજાણે

2010-07-25T11:37:00.000+05:30

અધર મધુર પીતા જોઈ સુવાસ જાણે,
ભ્રમર વિવિધ લેતા ચુંબનો એ અજાણે.

પળપળ નિજમાં પામે મધુરા અજાણે,
ક્ષણક્ષણ રજ થી થાશે અધુરા અજાણે.

પ્રબળ મન કહેશે આ પ્રતિક્ષા અજાણે,
કલરવ થઈ ગુંજે છે મસ્તીમાં અજાણે.

ઝરમર વરસે ફોરે ભરેલુ અજાણે.
ચમન ચમન ગાશે કૈ મધુરા અજાણે.

લલલ લલલ ગાગા ગાલ ગાગાલ ગાગા

-કાંતિ વાછાણી

ઓસરે છે

2010-07-22T15:46:00.000+05:30

હાથમાં સરકતી વસંતના જામ ઓસરે છે.
એ આંખમાં છલકતી વસુધરા ક્યાં ઓસરે છે.

કાંતિ વાછાણી

વરસાદમાં

2010-07-22T15:44:00.001+05:30

ચાલ ભીંજાયે વરસતા વરસાદમાં ભરી બજારે,
આયખુ ભલે કોરુ કટ તોય મલકતા ભરી બજારે.

-કાંતિ વાછાણી

રંગોના ટહુકા

2010-07-22T15:42:00.000+05:30

આ આભમાં અટવાય એ મૌન જાણે,
મેઘધનુષી રંગોના ટહુકા કોણે જાણે.

કાંતિ વાછાણી

સળ ઝાઝા

2010-07-21T17:16:00.000+05:30

આ બાવળે બળ ઝાઝા
લો સળવળે કળ ઝાઝા

આ નજરથી ભલે આઘા
તોય ઉકેલે સળ ઝાઝા.

આ સખણા રહે તે સાસુ
ને તોય ગડબળ ઝાઝા.

પાછા શિખામણ આપે તે
આમ તેમ બળબળ ઝાઝા.

-કાંતિ વાછાણી

માલિની છંદ

2010-07-15T10:35:00.001+05:30

માલિની છંદ

નયન વરસતા એવે સમે જોઈ એને,
ખબર તરસતી જાણે મને કોઈ આપે;

સરળ થઈ પડે છે સંદેશો જોઈ એને
અસર ઉઘડતી જાણે હવે કોઈ આપે.

માલિની વર્ણસંખ્યા : ૧૫
બંધારણ : ન, ન , મ, ય, ય.
સ્વરૂપ : લલલ લલલગા ગાગા લગા ગાલ ગાગા
યતિ : ૮મા અક્ષરે

માલિની છંદ

અધર મધુર પીતા જોઈ સુવાસ જાણે,
ભ્રમર વિવિધ લેતા ચુંબનો એ અજાણે.

લલલ લલલ ગાગા ગાલ ગાગાલ ગાગા

-કાંતિ વાછાણી

लूट न जाय

2010-07-02T09:46:00.002+05:30

अदा ये और न दिखा आईना रुठ न जाय,
जैसे की दिल ये शीशा समज टुट न जाय....

आये थे तेरी महेफील में अजनबी बनकर,
सोचा की सितारे बनकर क्यों लूट न जाय....

इन्तजार था तेरे प्यार की तस्वीर बन जाय,
शाम के जाम पीते हम क्यों लूट न जाय....

मंज़िल थी मेरी कोई आखरी मुकाम बनकर,
किनारा बनकर कोई कश्ती क्यों टूट न जाय....

-कांति वाछाणी

आज यु ही

2010-06-26T10:29:00.001+05:30

होगी कोई ख्वाईश अधुरी आज यु ही,
नही तो कुदरत क्यों रुठे आज यु ही.

कोई ये तो बताये दिल के दर्द् को
ये समजे हकिकत भी रुठे आज यु ही.

जो मिले हर शख्स परेशान नजर ये,
फिर ये समजे क्युं रुठे आज यु ही.

वक़्त के साथ लिए चले थे दिवानगी,
ख़ुद को बेग़ाना समजते रुठे आज यु ही.

चाहे उसे कोई नजर शिकायत क्यु है,
जैसे मुझको मेरी वफा रुठे आज यु ही.

- कांति वाछाणी

उमीद

2010-06-22T12:11:00.000+05:30

दिल उमीद ले कर बैठा था
कोई तेरी आरझु नही थी,
पर होसला तेरा लेकर बैठा था

कांति वाछाणी

चला

2010-06-22T12:09:00.000+05:30

सावन के सुहाने पल में कोई भिगे बदन चला
खुद को मिटाकर महेक लेकर कोरे बदन चला

तुफान मे लिपटी यादों के सिले कोई मिला था
जैसे बादल से निगलती बुंदो में भीगते बदन चला

सारे शहर में दमाम सा उठा स्वयं की पहेचान का
गिला नही था दर्द पैदा होने का आसान गोरे बदन चला

कांति वाछाणी

યાદ

2010-06-22T12:06:00.000+05:30

આ જીર્ણ ભીતોમાં મહેક હતી
એ યાદ તણી કોઈ સુવાસ ને,
અચાનક ઉઘાડી એ લહેક હતી
ક્યાં એ મારૂ શૈશવ રોળાતુ ને.

એજ ફરી આંખોમાં મહેક હતી
એ શાહી, કલમ છે કાગળ ને
આ ફુટી કોડીની એ બહેક હતી
એ જ મારૂ યૌવન ઢોળાતુ ને

એજ અરમાનોની મહેક હતી
એ ઓસરીમાં કંકુ થાપા ને,
કયા એ પગલે પગલે લહેક હતી
ક્યાયે મારૂ ગૃહસ્થાશ્રમ ઘડાતુ ને

એજ વાતે યાદ થઈ મહેક હતી
હવે તો ના એ ફરીયાદ કે યાદ
કોઇ ના આગમન પ્રતીક્ષા હતી
અચાનક આમ જ ક્યા રડાતુ..

-કાંતિ વાછાણી

અંગત છું

2010-05-17T17:45:00.002+05:30

આ માણસ નામે અંગત છું,
એ વિધાનો સાથે સંગત છું.

આ સમજણ ક્યા નામે લીધી,
આવી વાતો થી સંમત છું.

છે મળ્યા હોવાનો દાવો,
કોઈ આશા ની હું મમ્મત છું.

કૈં જ નથી સાબીતી આની
ને એકજ એવી રંગત છું.

વીતેલા એ દર્દ છે કોના
ઘાવ નથી હું તો ગમ્મત છું

છેલ્લે શ્ર્વાસએ અટકી જાશે,
ને એક જ એવી રંગત છું

-કાંતિ વાછાણી

ગઝલમાં

2010-05-15T12:24:00.001+05:30

લય ભલેને વહેરાય એ ગઝલમાં,
કૈ દર્દ તોય પડઘાય એ ગઝલમાં.

યાદના આ પુરાવા કોઇ આપે,
વાત કેવી લહેરાય એ ગઝલમાં,

ટેરવા ને મખમલી જોય બોલે,
વેદના થૈ વધેરાય એ ગઝલમાં,

કાયમી એક સરખા ક્યા વિચારો,
તોય જોને ગહેરાય એ ગઝલમાં.

કોઇ લાચાર થાશે વાત કરવા,
એમ વાઘા પહેરાય એ ગઝલમાં.

-કાંતિ વાછાણી

પાણી પુરી

2010-05-13T09:13:00.001+05:30

ઓ ..પાણી પુરી પાણી પુરી
તેના વિના ચાહત અધુરી,
રાખો મનમાં વાત મધુરી,

ઓ ..પાણી પુરી પાણી પુરી
ખાઓ વિના સંકોચ જરુરી,
હા થશે દિલની હોંશ પુરી,

ઓ ..પાણી પુરી પાણી પુરી
હું જોઉ છું જ્યારે પુરી વાળો,
ત્યારે યાદ આવે સુંગંધી વાળો

ઓ ..પાણી પુરી પાણી પુરી
ગજબ ખેચાણ એ પુરી તણું
મોં માં જાય તે થોડુ કે ઘણું

ઓ ..પાણી પુરી પાણી પુરી
ચોપાટી નો એ અજવાસ છે,
દોસ્ત, એ સિવાય બધુ બક્વાસ છે.

-કાંતિ વાછાણી-11-05-10

ક્યાં મૌન છે

2010-05-11T12:46:00.002+05:30

આભમાં અટવાય એ ક્યાં મૌન છે,
આ શક્યતા ખળભળે ક્યાં મૌન છે.

ચોતરફ બદલાય એ રંગો હવે,
સામટું એવુ સળવળે ક્યાં મૌન છે.

બોજથી કેવાય છે જીવન કવન,
ખ્યાલમાં કૈ બળબળે ક્યાં મૌન છે.

જે મળે છે તે ભલે રાજીખુશી,
ને અચાનક વલવલે ક્યાં મૌન છે.

કેટલી ભરપૂર મોસમ જાય છે,
ત્યાં સહજતા ધલવલે ક્યાં મૌન છે.

-કાતિ વાછાણી

ભલામણ રજુ કરે

2010-05-10T12:29:00.001+05:30

આ શરતમાં ક્યાં શિખામણ રજુ કરે,
ને પછી કર્જ એ ભલામણ રજુ કરે.

આજ તો મોકો મળે એ વાતનો,
જાતને ઠેલી ભલામણ રજુ કરે.

યાદ છે ભીનાશ સંકેલાય ગઈ,
ને પછી સહજ એ મથામણ રજુ કરે.

લાગણી કોના બળે જોવા મળે,
જાત ને બાળી મથામણ રજુ કરે.

આંખમાં કૈ સળવળે સપના હવે,
તોય ફોગટ એ ભલામણ રજુ કરે.

-કાંતિ વાછાણી

સલાહ નામે

2010-05-06T19:50:00.001+05:30

સલાહ નામે શિંગડા ન ભરાવ,
દર્દના નામે ભિંગડા ન ખણાવ.

હકીકત બાને એ તો આપે કૈ,
શબ્દો નામે થિગડા ન મરાવ.

શ્વાસ ચાલે એમ કોઇ શિખવે,
નાળી નામે પિંગડા ન ગણાવ.

સલાહ છે કે શીખામણ તે જાણે
વાતો નામે પિંજરા ન ભરાવ.

જો આમ હાંસલ થાય તો એ,
સલાહ નામે જિંથરા ન ધુણાવ.

-કાંતિ વાછાણી

બોજ ક્યા ?

2010-04-27T19:57:00.000+05:30

આ હયાતી આપણી ને મોજ ક્યાં ?
આ જનારી યાદમાં એ ખોજ ક્યાં ?

ઝાંઝવામાં વ્હાણનો આધાર લૈ,
જોતરાયો હું અચાનક બોજ ક્યાં ?

કોતરોમાં જેમ ઊછળતો મળુ,
એમ અદકેરુ વિચારુ મોજ ક્યા ?

તરત વાચાઓ વછૂટી કોઈની,
એ સફળતા જોય બોલે રોજ ક્યા ?

આંકશો પરિમાણ અધકચરુ ભલે,
એ જ શબ્દોનો વિષય છે બોજ ક્યા ?

-કાંતિ વાછાણી

ખબર ગઈ

2010-04-27T16:35:00.001+05:30

ઉચાળા ભરીને હવે પાનખર ગઈ,
ઋતુને થયેલા દર્દની કસર ગઈ.

વને વન ખુશીઓ મહેકી અબોલી,
અકારણ રજુઆત થૈ તો કદર ગઈ.

અજાણે સજાવટ થઈ આંગણે તો,
ભીતરમાં રચાયેલ કૈ એ નજર ગઈ.

ટકોરા કમાડે અવિરત મળે એ,
કદી આ અચાનક વાતે કદર ગઈ.

પળે પળ ટહુકા ભલે દાનમાં લીધા,
છતાંય એ સમાચારની તો ખબર ગઈ.

-કાંતિ વાછાણી

હવે વાતને

2010-03-19T11:03:00.000+05:30

છે ભરોસો નજરમાં ભલે વાતને,
તો પછી કેમ સંતાપ એ વાતને.

આ ક્ષણોના ઉધામા અચાનક બને,
એ વિચારો મળે તૂટતા એ વાતને.

ભરમથી આવશે યાદમાં અંશ એ,
તોય દિલમાં દર્દ મળે એ વાતને.

છે અટારી અનુભવની અજાણે તને
આ મને કોઇ મહેફિલ દે એ વાતને.

આ અટપટી ઉદાસી જશે આંખને
આટલો તો વિષાદ એ હવે વાતને.

-કાંતિ વાછાણી

એક અવસરે

2010-02-18T11:54:00.002+05:30

અચાનક હવે દાવ માંડે પછી શું ?
વિચારો કનડતા અંધારે પછી શું ?

ભલે આયખુ કોઈ અંબરે ઢંકાશે,
સ્પર્શે આજ કુમાશ ગાલે પછી શું ?

મહેફીલ કોને મળે'છે અનોખી,
હવે ખુદ એવા ભરોસે પછી શું ?

વહેમ નજરે વાત કે'વાય જાણે,
અકળ પ્રેમ નામે લૂંટાશે પછી શું ?

હવે આ અજબ દાવ એળે ગયો એ,
મરહમો વિંધાયેલ જખમે પછી શું ?

શબ્દોથી પિછાણે ભલે કૈ અંદાજે,
ભરમ તુટશે એક અવસરે પછી શું?

-કાંતિ વાછાણી

સ્નેહ નામે કરામત

2010-02-18T11:43:00.002+05:30

હશે કોઈ તારી શરારત ફરી એ,
નહી તો મને ભુલે કેમ ફરી એ..?

બટકણા સંબંધો મળે છે અજાણે,
પછી વહે છે એ મૃગજળ ફરી એ.

થશે કૈ અનુભવ કણસતા દર્દમાં
વિવાદો મળે છે અચાનક ફરી એ.

ભલે કોઇ રહસ્યો ઘૂંટાય અભાવે,
વિચારો નકામા મળે છે ફરી એ.

સમીપે ટળવળી પ્રણયને ફસાવે,
હતી સ્નેહ નામે કરામત ફરી એ.

-કાંતિ વાછાણી
28-01-10

ભીના સપના

2010-01-28T12:03:00.001+05:30

ભીના ભીના સપના એ પણ
કોરા રુમાલમાં..
અને ક્યાંક આપણે મલ્યા એનો અણસાર
લઈને આ રાતરાણી મહેકી ઉઠી.....
હજુ એ સ્પંદનો યાદમાં કંડારુ કે
આપે વણકહ્યા વેણનો
આટલો ભાર કેમ સહ્યો....?

-કાંતિ વાછાણી

વસંત સોહામણી

2010-01-25T18:15:00.002+05:30

અરઘે પાનખર બીહામણી,
આવે વગડે લઈ વધામણી,
છે ઋતુ વસંત સોહામણી,
ચાલ કર ઉજાણી.

-કાંતિ વાછાણી

નજરમાં

2010-01-21T17:58:00.003+05:30

સળગતા અંગારા મલ્યા એ નજરમાં,
પછી ચાંદની કેમ વરસે નજરમાં.

પ્રણય પાંગરે એ સંબંધો મળે તો,
પછી ઝાંઝવા કેમ તરસે નજરમાં.

કબૂલ છે સજા કોઈ ગુનાહ લઈને,
પછી ઓચિંતા ઘા મળશે નજરમાં.

નિશાની કયાં છે તરંગી વમળને,
પછી ખેલતા એ સમાવે નજરમાં.

અધૂરી રહેશે ઈચ્છાઓ અજાણી,
પછી સળગતી કૈ વિચારે નજરમાં.

-કાંતિ વાછાણી

ચાલ કોને મળી

2010-01-21T17:57:00.003+05:30

પ્રતીક્ષા તમારી હવાને મળી ગઈ,
અને કલમ હૈયે સળગતી બળી ગઈ.

અડીખમ ભરોસે ઉકેલી કડીઓ
અને કૈ મનોમન વ્યથાઓ મળી ગઈ.

સમયથી મળે ચીતરાયેલ જખમો,
અને આ ઈચ્છાઓ વ્યર્થ કૈ બળી ગઈ.

મિલનનાં બહાને વિરહ કોણ શોધે,
અને લાગણીએ વહેતી બળી ગઈ.

પળોથી ભૂલાયેલ આ ક્ષણ અમારી,
અને રાજની ચાલ કોને મળી ગઈ.

-કાંતિ વાછાણી

સંદેશો તમોને.

2010-01-21T17:54:00.003+05:30

હવે આ સફળતા તમારી મહોરી,
ઠગારો હશે એ દિલાસો તમોને.

કલમમાં વહેતી અગોચર લહેરો,
હવે કેમ ધોખો અધુરો તમોને.

ચહેરા મળે જેમ ભયભીત થઈને
રહેશે ઉઘાડા ખયાલો તમોને.

ઇશારા થશે કૈ તમારા બનીને,
લહેરો હતી એ વિચારો તમોને.

સ્મૃતિ મળે 'કાન' એ વાતથી,
મહેકી ઉઠે એ સંદેશો તમોને.

-કાંતિ વાછાણી

વિલાસથી

2009-11-30T10:04:00.000+05:30

કોરી ગઈ મુજ હૈયે વાણી એ વિલાસથી,
કોરા દિલમાં પાંગરી હતી એ વિલાસથી,

બસ એમની યાદ જ આવતી ખુદા મને,
ધર્મની નિઃપેક્ષતા પાંગરી એ વિલાસથી.

સ્વમાનથી રાહબર બનીને ઉઠતી સજા,
મયકદામાં કોણે ભોગવી'તી એ વિલાસથી.

એમને ડર ક્યાં હતો પ્રેમ કે સિતમનો,
બસ દોસ્તો, મહેફીલ મળી એ વિલાસથી.

પ્રતીક્ષા મળી હતી કૈ સવારે અને સાંજે,
મોસમ જો મળે, નીભાવી'તી એ વિલાસથી.

-કાંતિ વાછાણી

પ્રેમની વાચા

2009-11-21T11:41:00.002+05:30

કોઇ આંખોને ઉલેચી તાગ લેવા આવશે,
કે પછી ખામોશ દિલને હામ દેવા આવશે,

આંખથી કે'વું હવે તો આકરુ લાગે ભલે,
મૌનથી બોલાય એ મનમાં કહેવા આવશે.

કોણ ચૂપકેથી જગાડી જાય એ સમજાય છે,
તે પહેલા આંખ મીંચીને કહેવા આવશે.

સ્મૃતિઓ વાગોડતા વીંધાય છે કાળજુ,
ત્યાં અભેદ્ય આરઝુ જો ને કહેવા આવશે.

ઓગળી ગઈ આંખમાં એ લાગણી ભેદને,
કે અધુરા પ્રેમની વાચા કહેવા આવશે.

-કાંતિ વાછાણી

કવિ

2009-11-17T09:24:00.001+05:30

અજાણે કોઈ સફર કરી ગયુ હશે ?
એ વિચારી જોયુ તો
આપણી વચ્ચે વીખરયેલા સપના
રોપી ગયુ કોઇ,
ના, ના એ તો અમસ્તુ લાગ્યુ,
પછી વાતે વાતે પ્રાસ ને અનુપ્રાસ
સાંભળીને થયુ ક્યાંક કવિ જેવુ તો કોઈ બની ગયુ હશે........

-કાંતિ વાછાણી

કલ્પના

2009-11-13T09:08:00.000+05:30

હટી જશે કોઇ
આવરણ સમયનું
ક્યાંક પળવારમાં
પછી એ વેરાન વિચારોમાં
ગુંજતુ રાખવા
આપ બળે પણ બળવુ પડશે,
એ કોઇ મારી કલ્પના હતી......શું ?

-કાંતિ વાછાણી

તારલીયાની વાત

2009-11-10T10:30:00.001+05:30

આકાશને અળગુ કરી કયા, જાય એ તારલીયાની વાત !
અંધારાને આડશમાં લઈ, પછી થાય એ શમણાની વાત.

આ અંબરના ઓઢાણામાં ચમકે
તિમિરના તેજ લિસોટા લઈ,
કોઈ નવલીના ઘુંઘટમાં મલકે
તમરાના શોર પલભર થઈ,
વગડા ને વાટ અંધારા પી, ને ચાલી એ શમણાની વાત !
આકાશને અળગુ કરી કયા, જાય એ તારલીયાની વાત !

આગિયા અંધારે અંતરમાં પલકે
પંખીઓ પોતાની પાંખમાં લઈ,
વાયરાએ વિંધાય કિરણ ઝળકે
ક્ષણના પડછાયા આંખમાં લઈ,
નિતદિન વાગોડુ અજવાળુ, થાય ફરી સહજતાની વાત !
આકાશને અળગુ કરી કયા, જાય એ તારલીયાની વાત !

-કાંતિ વાછાણી

પત્ર

2009-11-05T16:38:00.002+05:30

મિત્ર,
કુશળતા તારી ચાહતો, કુશળ છુ.

નેહનાં નિખાલસ ભાવે હંમેશા આત્મીયતા ઉભરાય
અને અમે કાંઈ મેળવ્યા નો આનંદ લઈ એજ.. મૈત્રી...

તારા મુખેથી બહાર આવતા શબ્દો ભલે સાવ સામાન્ય શબ્દો કેમ ન હોય, એમાં કોઈ પ્રભાવશાળી વ્યક્તિત્વ ના હોય તેજ સારું છે, પરંતુ એ સામાન્ય શબ્દો અસામાન્ય ચોક્કસ હોય શકે છે, જ્યારે શબ્દો અંતરનાં ઊંડાણમાંથી ઊંડે ઊંડે રહેલ મૌનમાંથી પ્રગટે છે ત્યારે એ શબ્દો પોતાની એક સુવાસ લઈને આવે છે, અને એ સુવાસ એક દિવ્ય હકારાત્મક સંચાર ઉત્પન્ન કરે છે, માણસે અંતે તો માણસ ની સાથે જ જીવવાનું હોય છે, માણસ માણસથી ભાગી શક્તો નથી, માણસની સમજ તેને બીજા માણસો કરતા નોખો અને ચોખ્ખો બનાવે છે.......
જેના પર પ્રેમ હોય તેનામાં જ - અને ફક્ત તેનામાં જ દિવ્યતાનો અનંતતાનો સાક્ષાત્કાર થઈ શકે....જીવનમાં અનંત, અસીમ, અવર્ણનીય, અક્ષર, અજીત, અમરપ્રેમ એવા પાર લૌકિક તત્વનો અનુભવ કરીએ તેનું નામ જ પ્રેમ હશે.....માનવીય પ્રેમ સંબંધોમાં પણ પરમાત્માનો અનુભવ થતો હોય છે, અનંત, અસીમ, અવર્ણનીય, અક્ષર, અજીત, અમરપ્રેમ જેવા શબ્દો બેફામ વપરાશને કારણે ઘસાઈને છોતરાં થઈ ગયા, જ્યાં ભાષાનો અનંત આવે અને શબ્દોની રમત પુરી થાય છે ત્યાંથી જ પ્રેમનો આરંભ થાય છે....

સમયની સતેહ હંમેશા સરકતી જાય અને જે કાંઈ યાદની ઓળખથી સ્નેહમાં કંડારીએ એટલે આનંદ..

પત્ર લખવાની આદત છુટી ગઈ છે, ફરી આજ આપના સથવારે પાંગરે અને મહેકતાં ફૂલો ની
જેમ તેનો મઘમઘાટ ગુંજે...

લી. આપનો આત્મીય મિત્ર

જવાની મળી'તી અજાણે

2009-11-04T20:17:00.000+05:30

કયાં એ જવાની મળી'તી અજાણે,
ભલે એ ઉજાણી કળી'તી અજાણે.

મળે ભીંજવેલા શબ્દોમાં ઉદાસી,
અધીરાઈ કોણે કહી'તી અજાણે.

જમાનો મળ્યો એ સવારી ઉછાળી,
અસર એ કયારે ફળી'તી અજાણે.

સમયની થયેલી અટકળો વિસારી,
કયાં એ ઘડીઓ ગણી'તી અજાણે.

અમે સ્મૃતિમાં આવતા ને વિચારી,
ફરીયાદ કોની મળી'તી અજાણે.

ચહેરા પરિચિત હતા એ નિહાળી,
અચાનક જવાની મળી'તી અજાણે.

-કાંતિ વાછાણી

વેદનાએ મળે યાદની

2009-10-31T10:40:00.005+05:30

તાજગી અંતરે સળવળે યાદની
ઝળકતી વેદનાઓ મળે યાદની.

કોઇ પોકળ હશે આંતરિક ખ્યાલથી,
તોય સંવાદિતા કૈ મળે યાદની.

કોયડા સમજવા છે ભરોસે હવે,
ખીલતી રોશની ઝળહળે યાદની.

મોજથી માણવી છે અમીરી હવે,
ડોલતી કોઇ વાચા મળે યાદની.

ભીંજવી જાય એ આયખુ કોઇથી,
ચાલ ને હોંશ ક્યાંથી મળે યાદની.

પ્રેરણા છો ટહુકે બધે કુંજમાં
સ્મૃતિમાં વેદનાએ મળે યાદની.

-કાંતિ વાછાણી

શબ્દથી

2009-10-28T09:35:00.000+05:30

ઉઘાડી નજાકત શબ્દથી જણાશે,
અને સૌ અનુભવ શબ્દથી જણાશે.

પડેલા અચાનક પ્રહારો થંભી ને,
કયાં એ વિચારો,શબ્દથી જણાશે.

અપેક્ષા અવિરત સંકોરે સમય ને,
લખેલી અનામત શબ્દથી જણાશે.

અંતરમાં ઉજરડાં હજુ એ સમ્યા ને,
ફરી એ અંધારા શબ્દથી જણાશે.

કિનારા બનીને અમારા સગડ ને,
ક્યાં એ વિયોગી શબ્દથી જણાશે.

-કાંતિ વાછાણી
૨૭-૧૦-૦૯

ઝલક લખી

2009-10-21T12:28:00.000+05:30

જરા ઝલક લખી હતી,
જયાં ગઝલ ખરી હતી.

મઝા નજર બની શકે,
કહે કસર કરી હતી.

મસ્તી જડે શરારતે,
હવે ચર્ચા ફરી હતી.

નિરાંત એકદમ મળે,
વળી નજર કરી હતી.

મળે જવાબ તો ફરી,
વિચાર ની જડી હતી..

દંભી થયા જણાય તો,
ક્યાં અસર પડી હતી.

-કાંતિ વાછાણી

વહેતા એ સપના

2009-10-15T16:10:00.001+05:30

આંસુઓની ખારાશમાં વહેતા એ સપના
મે પણ જોયા દુઃખમાં વહેતા એ સપના

સુખમાં એ પહેલા મળે અજાણ થઈને
પછી કૈ સંતાપથી વહેતા એ સપના

શરૂઆત હશે માન્યુ, કે હકીકત લઈને,
આમ ઝરણાની જેમ વહેતા એ સપના.

કોઇ રસ્તે મળ્યા જાણે રાહદારી બનીને
લૈ આવે ફરી સુખના વહેતા એ સપના.

રોમરોમ બદલાશે વિચારોની આપ લે,
લીલાછમ મૃગજળના વહેતા એ સપના.

કાંતિ વાછાણી અને જિગ્નેશ.
(ઓર્કુટ મિત્ર એમ. કે.ની પ્રેરણાથી)

પ્રણયનાં પુષ્પો

2009-10-03T16:05:00.001+05:30

પ્રણયનાં પુષ્પો
ખીલ્યાં
મન ઉપવનમાં
કાજળ ઘેરા
વિરહથી
ઝાકળ બિંદુઓ
બનીને વેદના ના ટકોરે
ભારેખમ હૈયે હળવાશ ક્યાં શોધું..........?

-કાંતિ વાછાણી
૦૨-૧૦-૦૯

નવતર શમણુ

2009-10-01T17:05:00.001+05:30

સમી સાંજે શમણુ નવતર આવે,
અગોચર આભે અંધારુ રાત ને બોલાવે.
સમી સાંજે શમણુ નવતર આવે...

નિશાચર કાઈ આંખ ખોલી મનથી બોલે,
આ કલશોર કરે પરિંદા અકળ થાય જોને,
વનવગડા ને વાચા ફુટી કોઇ તમરા બોલે,
સમી સાંજે શમણુ નવતર આવે...

આ ચાંદની પીવાને હથેળીમાં ઉમંગ જોને,
તેજ ક્ષણે શરમના શેરડા પ્રતિભાવે બોલે,
પલભરના સચવાય લહેકા હૈયેથી જોને,
સમી સાંજે શમણુ નવતર આવે...

કયાંક અનરાધાર વરસીને કોઇ કોરુ હશે,
સમયથી ભુલાશે એ સંવેદના ફોરી હશે,
કાબા થઈને લુટાય જવું એ અદકેરુ હશે,
સમી સાંજે શમણુ નવતર આવે,

અગોચર આભે અંધારુ રાત ને બોલાવે.
સમી સાંજે શમણુ નવતર આવે...

-કાંતિ વાછાણી
૩૦-૦૯-૦૯

નજરે

2009-09-30T12:23:00.000+05:30

પલકવારમાં કોઇ અંજાય નજરે,
ભરોસો ઠગારો નહીં થાય નજરે.

અધીરાઈ જોવા મળે છે પળેપળ,
ક્ષણેક્ષણ નજારો દેખાય નજરે.

મળે લાગણીઓ વિસ્તરતી વિશ્ર્વાસે,
વિતી એક ક્ષણ એમ સમજાય નજરે.

તરસની મઝા છે કિનારો મળ્યાને,
મળેલી સ્મૃતિઓ કેમ વિસરાય નજરે.

વિચલતા સંદેશા હશે કોઇ મનમાં,
હવે તો અજાણે પ્રેમ ડોકાય નજરે

અનુભવ મળે તો બખીયા ભરીને,
ગઝલની શરુઆત ખેચાય નજરે.

પ્રયાસે પ્રયાસે હકીકત મળે છે,
શબ્દોની શરારત બહેકાય નજરે.

-કાંતિ વાછાણી

સંગથી

2009-09-25T09:34:00.001+05:30

શરુઆત જાણી હશે કોઈ સંગથી,
વિચારો અજાણે થશે કોઈ સંગથી.

કલમથી હવે વાટ વ્હેરાય મારે,
કવેળા દિલાસા હશે કોઈ સંગથી.

ભલે આકરી સરહદો હોય મળવા,
મહેકી સરી જતુ હશે કોઈ સંગથી?

દિવાના મળે છે ક્ષણોને સહારે,
સમયની અધુરપ હશે કોઈ સંગથી.

મહોરા પહેરી મળે છે ઈચ્છાઓ,
રગેરગ દબાવી જશે કોઈ સંગથી.

-કાંતિ વાછાણી

શાનથી

2009-09-23T18:50:00.001+05:30

આયખુ મોજમાં ખીલશે શાનથી,
જોમ જો હોય તો ખીલશે શાનથી.

આંખમાં તેજ આંજી મળે વાયદા,
તો નજાકત શબ્દોની થશે શાનથી.

સોબતે ખેલતુ આગમન આજનુ,
એ અનુભવ શબ્દોના હશે શાનથી.

ગુંજશે કોઈ શરણાઈના સુર તો,
કોઈ ક્ષણ તરસતુ ચાલશે શાનથી

ઠાઠ છે રાતભર ચાંદની જોઈને,
એજ નીખાર તું માણશે શાનથી.

કાંતિ વાછાણી
૨૩-૦૯-૦૯

तम्मना

2009-09-20T12:59:00.001+05:30

कोइ नजर-ए-अंदाज बयां करें
होश में आकर खयाल बयां करें.

कैसी ये हकीकत खुद को समजे
मुस्कुरा कर हर वक्त बयां करें.

कोइ रजिश-ए-दुश्मनी ना छोड दे
आइना हो कर खामोश बयां करे

बस तम्मना यही थी कोइ उमीद पे
नादान ये दिल-ए-इश्क बयां करे.

कांति वाछाणी

સપના જોયા

2009-09-17T12:22:00.000+05:30

કોરી આંખે વિખરાયેલા સપના જોયા,
પ્યાલીઓમાં બંધાયેલા સપના જોયા.

નાની સરખી કૈ વાતોમાં ઓજસ એવાં,
ખુલ્લી આંખોએ બાંધેલા સપના જોયા.

સ્મરણો ભીના પગરવ જોને આવે કેવાં,
પડછાયા નેણે ગુંથેલા સપના જોયા.

ભીંની યાદોથી હરખાતુ આ ચંચળ મન,
પડઘાતા શ્ર્વાસે સળગેલા સપના જોયા.

ઘેરી ઘેરી કોમળતાથી મુંઝવતા કૈ,
પ્રતિભાથી ખરડાયેલા સપના જોયા.

-કાંતિ વાછાણી

યાદથી

2009-09-17T12:21:00.000+05:30

લાગણીઓ ભીંજવે હેતુ બનીને યાદથી,
માંગણીઓ હોય છે હેતુ બનીને યાદથી.

અંતરાયોથી હયાતીનાં પ્રલોભન છે હવે,
મુંઝવણમાં આવશે સેતુ બનીને યાદથી

છે હકીકતમાં જ સંજોગો નવા કૈ જોરથી,
વાયરાઓ લાવશે હેતુ બનીને યાદથી.

આંગળીના ટેરવાને કોઇ ક્ષણનો ભાર શુ ?
કાયદાઓ ભોગવે હેતુ બનીને યાદથી.

છે ખયાલોમાં હથેલીના સ્પર્શ ને તાજગી,
એજ લીસોટા હશે સેતુ બનીને યાદથી.

-કાંતિ વાછાણી

મસ્તીમાં.

2009-09-13T12:48:00.000+05:30

હવે નાચ પણ કોઈ એવી મસ્તીમાં.
જશે તાલનો ભંગ કેવી મસ્તીમાં,

ભલેના મળે કોઈ મોભો નજરથી,
દિલાસા હશે છેક આવી મસ્તીમાં.

નિરાકાર થઈને ફરે તું અદબથી,
નહોતી ઉદાસી મિલાવી મસ્તીમાં.

વચોવચ ક્ષણોનુ કિરણએ ફરજથી,
અમોએ શૂન્યતા વિતાવી મસ્તીમાં.

ફટાફટ કિરણ એક લીધુ સ્મરણથી,
અને છે સમાધાન આવી મસ્તીમાં.

-કાંતિ વાછાણી
13-09-09

પણ........

2009-09-08T11:46:00.001+05:30

ભલે દુઃખ દેજો મને આકરુ પણ,
હવે સુખ સંતાપ શેના કરુ પણ.

ક્ષણોની મળે આશ કોના વિશ્ર્વાસે
હવે હું હતાશા કયાં લૈ ફરું પણ.

અર્પણ થાય ક્ષણએ અચાનક વિચારે,
અને કૈ અદાથી ઉદાસ ફરું પણ.

પ્રવાસી થયો આજ હું કોણ શરણે,
સિતારો હતો એ નજાકત કરું પણ.

વિતેલી ક્ષણો કૈ અકારણ સળવળે,
અનુભવ હતો એ વિરાસત કરું પણ.

કાંતિ વાછાણી
૦૮-૦૯-૦૯

સમયના હસ્તાક્ષર

2009-08-28T08:36:00.000+05:30

કિનારા બનીને અમે દૂર હતા શું ?
સહારો હતો તોય એ દૂર હતા શું ?

મટી જાય છે કૈ હસ્તીઓ નજરથી,
સમયના હસ્તાક્ષર મળ્યે દૂર હતા શું ?

ક્ષણમાં સમેટાઇ હવાઓ અજબની,
અને આ વિશ્ર્વાસે અમે દૂર હતા શું ?

પ્રણયના પ્રવાહો વહે છે ગજબથી,
અને આ ગઝલ થી અમે દૂર હતા શું ?

કશું આવરણ છે તિમિર તેજ લઇને,
અને તરસવામાં, અમે દૂર હતા શું ?

કાંતિ વાછાણી

वक़्त

2009-08-26T10:59:00.002+05:30

कैसी ये नाराजगी हमें आबाद दुर करें
कोई ये समजे हकीकत बयां और करें.

तन्हाई ये तेरा ख्याल लेकर समजे क्या ?
कोई वफा से ये हमसफर मजबुर करें.

कोई शिकायत न होगी दिल रुठने की
पुरे जख्मो भरने का क्यौ इंन्तेजार करें.

वक़्त हर फासला अपनो से क्यौ है आज
कोई दर्द अपना बैगाना समजकर करें.

रुके कदम कोई दिशाएं छोड चले थे हम
मंजिले तलाश की ख्वाईश वक़्त हर करें.

कांति वाछाणी
२६-०८-०९

વિચારોની આંધી

2009-08-25T10:22:00.000+05:30

વિચારોની આંધી સામે પરથમ આવે,
સંવાદોની ગાથા નામે પડઘમ આવે.

કૈ વણઝારો સંતાપે ફોગટ વારાફરતી,
એવા વાંધા નામે કસબી પરથમ આવે.

ખામોશી સાચે સળવળતી દ્વિધા જોતી,
અણધાર્યા આવેગો પણ લૈ આતમ આવે.

કૈ વિષયોના સંદેશા મળતા અપવાદી,
સંવાદી થઇને કલ્પનાઓ પરથમ આવે.

કૈ આઘાતો સુવાસિત જખમોથી ટાળી,
સંબંધો જીવે છે એ વાચા કાયમ આવે.

કાંતિ વાછાણી

સમયની લહેરો

2009-08-24T11:26:00.002+05:30

સમયની લહેરો સરકતી જણાશે,
અને સૌ બહારો સરકતી જણાશે.

અચાનક સવાલો વછુટે પહેલાં,
અને સૌ પ્રહારો વકરતી જણાશે.

અજાણ્યા ચહેરા મળે છે પહેલાં,
અને સૌ નિશાની ખટકતી જણાશે.

પ્રભાતે પહેલી કિરણથી પહેલાં
અને સૌ સરહદો છલકતી જણાશે.

દિવસભર કસોટી સળગતી પહેલાં
અને સૌ વ્યથાઓ પ્રગટતી જણાશે.

મળી છે નિરાશા સફળતા પહેલાં
અને સૌ શરૂઆત બગડતી જણાશે.

કાંતિ વાછાણી અને જીગ્નેશ

અજાણે નડે

2009-08-13T18:45:00.000+05:30

સજાવટ સરકતી હવે આંખમાંથી,
બનાવટ ઇરાદા ભલે આંખમાંથી.

પ્રતીક્ષા મહેકાવતી વેદનાથી
કટારી સળગતી મળે આંખમાંથી.

કબુલાત હોવા ન હોવા છતાએ,
મનોમન ઇજારા હશે આંખમાંથી.

ચહેરા મળે ભાવવિભોર કેવા,
મધુરા ઇશારા થશે આંખમાંથી.

ટપકશે અચાનક વ્યથા લાગણીમાં,
ભલામણ ઇરાદા હશે આંખમાંથી.

મથામણ સમેટાઇ ભીની નજરથી,
સબંધો અજાણે નડે આંખમાંથી.

કાંતિ વાછાણી

કોરા સ્મરણોમાં

2009-08-12T12:06:00.000+05:30

કોઇ ઉડ્યા
પળના પંખીઓ
આકાશે
અચાનક ક્યાંક
લાગણીઓ
વિંધાય
જાણે
કોરા સ્મરણોમાં.......

કાંતિ વાછાણી

અતૃપ્ત વાચા

2009-08-12T12:05:00.002+05:30

લાવ પરબીડીયામાં કોઇ
મિજાજ મુકું
કે એને થયેલી કલમની
વેદના
તારા હાથના સ્પર્શે
અતૃપ્ત વાચા
ફૂટે.......

કાંતિ વાછાણી

સંવેદના વછુટી

2009-08-12T11:57:00.000+05:30

દિશાઓ સંકોચાય
આસમાનના આવરણ તળે
એજ સમે
કવેળાથી
લાગણીનું કોચલુ તોડી ને
સંવેદના વછુટી......

કાંતિ વાછાણી

નામની છે સફળતા

2009-08-09T10:13:00.000+05:30

લાગણી શૂન્યતાઓ બધી આજની,
વાંઝણી માન્યતાઓ બધી આજની.

લો સળગતા વિષય ઉમટ્યાં આંખમાં
પાંગળી છે સરળતા બધી આજની.

વિંટળાતો હરખ જઈ અડે આભને,
આંધળી શક્યતાઓ બધી આજની.

કોઇ નિશાન તાકે પલક વારમાં,
બેશરમ સરહદો છે બધી આજની.

ગુંચવાળો થશે પ્રેમનાં નામથી,
નામની છે સફળતા બધી આજની.

-કાંતિ વાછાણી

પડઘા બોલ્યાં

2009-07-30T11:42:00.000+05:30

સથવારો સચવાયો ઉરમાં,
નયણે થી છલકાયો ઉરમાં.

છલકે સાગર જાણે મનમાં,
તરસે કોઈ સંવેદન ઉરમાં.

સહવાસે હરખાય મનમાં,
પળભર નો આભાસ ઉરમાં.

પરવાનો પળનો કૈ મનમાં,
ક્ષણ ની તરસ ભલે ઉરમાં.

પરવશ થાશે ફૂલ ચમનમાં,
મોસમ જાગી તારા ઉરમાં.

હળવાશ હતી મારા હૈયામાં,
અપવાદ હતો તારા ઉરમાં.

સમસ્યાઓ ગૂંથી ન મનમાં,
ત્યાં તો પડઘા બોલ્યાં ઉરમાં.

કાંતિ વાછાણી

સુરાલય

2009-07-25T14:24:00.004+05:30

સમી સાંજ ઢળતી પણ સુરાલયમાં આજે,
સવાલો સળગતા પણ સુરાલયમાં આજે.

અમોઘ શસ્ત્ર જાણે ગમ ભુલવાને મલ્યુ કોઇ,
લળથળે કદમ થંભ્યા પણ સુરાલયમાં આજે.

વલોપાત ઉશ્કેરતો સાકીને નિજ દ્વાર જોઇ,
પાત્રતા નથી પીવાને પણ સુરાલયમાં આજે.

વિષાદ જો સમજાય યાદનાં મહોરાને કોઇ,
તો ના પીવુ ઘટે જામ પણ સુરાલયમાં આજે.

સ્વમાન સરકતુ કારણ વગર આઘાતને કોઇ,
વફા વિંધાય અકારણ પણ સુરાલયમાં આજે.

કાંતિ વાછાણી

દંભમાં

2009-07-24T16:51:00.001+05:30

મિલન મલકાતુ હોય છે અજબનું તારુ,
કોઈ ક્ષણ તરસતુ હોય છે ગજબનું તારુ.

ભરપુર વેતરાય છે કૈ લાગણીઓ દંભમાં,
કોઈ ભીતરમાં ભીસાય છે ગજબનું તારુ.

વેદના છલકાય છે આભાસી ઓજસમાં,
તે ક્ષણમાં લાચાર મૌન છે ગજબનું તારુ.

પ્રતીક્ષાઓ તીવ્ર બનીને વેરાય ક્ષણમાં,
આસમાનમાં આવરણ છે ગજબનું તારુ.

શૂન્યતાઓ ઓલવાઇને વહે છે વાતોમાં,
ચિનગારીમાં તેજ જોઈએ છે ગજબનું તારુ.

કાંતિ વાછાણી

સોળ કળાએ

2009-07-17T08:59:00.001+05:30

સવારી સુર્યની આવે સજતી સોળ કળાએ,
કઈ નવયૌવનનું સ્મિત સજતી સોળ કળાએ.

ઉગમણા આભમાં કોઈ ઉષાનો ઉજાસ ઉઘાડે,
પર્ણોના પગ પખાડે ઝાકળથી સોળ કળાએ.

ઉમટયા આભમાં કોઈ પરીંદા કલરવ કરવાને,
લહેરાતો સમીર મંદમંદ કોઈ સોળ કળાએ.

નયનનો અંધકાર ઓલવાયો આજ અજવાળે,
રગેરગમાં સ્પર્શી અનુકંપાઓ સોળ કળાએ.

ઉજળી યાદમાં ગમ છલકતા એકાદ ક્ષણ જાગે,
સળવળે કોઈ ભીની વેદનાઓ સોળ કળાએ.

કાંતિ વાછાણી

મન

2009-07-13T16:34:00.001+05:30

કોઇના ખ્યાલમાં મન પતંગિયુ થઈને ઉડતુ,
કોઇના વિરહમાં મન વ્યાકુળ થઈને તરસતુ.

સુગંધ સંકેલીને ફુલોના ચહેરાઓ શરમાય છે,
જેમ ઉદાસ દિલમાં કોઇ માવઠુ થઈને વરસતુ.

તારા સુંવાળા સગપણથી મન કાંઈ હરખાય છે,
કોઈ ભીતરના ભેદ મનનો ખેદ લઈને ખટકતુ.

અંધકારના ઓંઠામાં વાતનુ તિમિર અંજાય છે,
કોરા હૈયામાં ચમનની પાંખળી જોઈને ખટકતુ.

કૈ ભગ્ન અવશેષો સોનેરી યાદ લઈને આવે છે,
એજ પછી મનની મુરાદ પુલકિત કરીને ભટકતુ.

કાંતિ વાછાણી

વરસે કૈ વાદળી

2009-07-09T14:12:00.000+05:30

ઝરમર ઝરમર વરસે કૈ વાદળી આજ રે..
કૈ થગનતા મોરલાં ને ઢેલ ઢળકતી આજ રે..

કૈ સજ્યા છે શણગાર લીલુડા ધરતીએ આજ રે..
લહેરાય ઝુકી ઝુકી વનરાઈ ને વેલીઓ આજ રે..

વીજળી ઝબુકી ને ગગન થયુ નવરંગી આજ રે..
સરિતા એ નીર છલકયા થયા ઉમંગી આજ રે..

કયાંક સુના સ્મરણોમાં ભીનાશ ઝંખે આજ રે..
આવો ઉજળા મનમાં મેઘધનુષ ડંખે આજ રે..

લેશુ હરખથી ઓવારણા હળવે હૈયે આજ રે..
પ્રિયતમ ! આવો અભરે ભરીશુ આજ રે...

કાંતિ વાછાણી

સમજી લઉ તો ?

2009-07-07T18:37:00.000+05:30

કયાંક તને શબ્દોમાં ઢાળી સમજી લઉ તો ?
અમસ્તો તને સ્નેહમાં ઢાળી સમજી લઉ તો ?

કયાંક સ્મરણને કંડારવા મથુ ભોમિયો થઈ
ક્ષણની પાંખ પાંપણમાં ઢાળી સમજી લઉ તો ?

કયાંક શબ્દોના સાથિયા પુરું અજાણ્યો થઈ
કૈ જીવનના રંગોમાં ઢાળી સમજી લઉ તો ?

કયાંક તીવ્ર પ્રતિક્ષા કરુ ભટકતો થઈને
એજ વાસ્તવિકતામાં ઢાળી સમજી લઉ તો ?

કયાંક ખુશીની ખેરાત કરુ ઉત્સાહ લઈને
એજ મહેક જીવનમાં ઢાળી સમજી લઉ તો ?

કાંતિ વાછાણી

આવી અટકે

2009-07-01T15:20:00.001+05:30

વિચારોમાં તું આવી અટકે,
આંખમાં થઈ આંજણી ખટકે.

અંધારે કંઈ વીજળી ઝબકે,
જેમ આંખમાં રોશની ટપકે.

મળતા દિલાસા એક ઝટકે,
આમ તું અંતર પટમાં અટકે.

અજાણી ઓળખ થઈ ભટકે,
વિશ્ર્વાસમાં પ્રેમ કાઈ બટકે.

હથેળીમાં રેખાઓ કોઈ હટકે,
મફતમાં જીંદગી મળી ખટકે.

ચાલ મળીએ એક થઈ કટકે,
ના તોડી શકે એને કોઈ ઝટકે.

કાંતિ વાછાણી

અષાઢી દન

2009-06-29T09:19:00.001+05:30

અંગે ઉભરાતી મૌસમનો શોર,
નભને નાકે વાદળ ઘનઘોર,
તમે શમણા સિદ ને મોકલો..
મારે અષાઢી દન વિતિ જાય રે..

આજ આસમાને અંધારાં ભલે,
મનને મહેક ભીંજવતી મલે,
તમે કોરા બદનને કાં ઠેલો..
મારે અષાઢી દન વિતિ જાય રે..

હોય અરમાન અધુરા કોઈ,
આકુળ મનમાં મધુરા જોઈ,
તમે કાં આ પંથને હડસેલો..
મારે અષાઢી દન વિતિ જાય રે..

હૈયે હળવાશ ભરી જાય,
પ્રિતના મોરલા મધુરા ગાય,
આવો ઉજવીએ આનંદ ઓલો,
મારે અષાઢી દન વિતિ જાય રે..

કાંતિ વાછાણી